<?xml version="1.0" encoding="UTF-8"?><song><author>Равшан Хизиров</author>
<title>УМР</title>
<lyrics>[V1]
 Ой писанд этмайин
 Қора булутни
 Осмон пештоқида
 Сузиб боради
 Хаётимда келган
 Барча синовлар
 Мендан қусурларни
 Узиб боради.

[V2]
 Ўйланиб қоламан
 Қолганда ёлғиз
 Сиз билан дардлашиб
 Дардим арийди.
 Биламан гуноҳлар
 Дастидан бир кун
 // Бу мағрур танам хам
 Ночор қарийди. //

[V3]
 Ўлим кулиб келар
 Қошимга бир кун
 Танамни қучоқлаб
 Олиб кетади
 Руҳим қафасидан
 Чиққан бир қушдек
 Сано айтиб мени
 Сизга элтади.

[V4]
 Чаманлар кезарман
 Жаннат боғида
 Раббим хузурингиз
 Яшнатар такрор
 Ердаги буғ каби
 Ўтган умримда
 Фақат Сизга битган
 Саноларим бор!</lyrics>
</song>